«Իշխանությունը տեսնելով տնտեսության եւ երկրի կործանման վտանգը, դրանով իսկ՝ իրենց իշխանության կործանումը, փորձեց լավացնել իրավիճակը»,-«Հայելի» մամուլի ակումբում այսօր անդրադառնալով Կառավարության բարեփոխումներին, ասաց ԵՊԼՀ նախկին ռեկտոր, քաղաքագետ Սուրեն Զոլյանը:
«Այն, ինչ արվում է, պետք է դրական գնահատվի, բայց պետք է մտածել՝ դա ինչի՞ համար է արվում եւ արդյոք երկարաժամկե՞տ ծրագիր է: Այստեղ խիստ կասկածներ կան: Մի կողմից հասկանում են, որ դեպի լավն է գնում, մյուս կողմից էլ՝ իշխանությունը ստեղծել է մի համակարգ, որը բացառում է իշխանափոխությունը: Կարեն Կարապետյանն ասաց՝ «եթե օգուտ չեմ տալու, մի օր ավել չեմ մնալու», իսկ Սերժ Սարգսյանն ասել է, որ իր ժամկետից մի օր շուտ չի գնա՝ անկախ Հայաստանի վիճակից: Այսինքն՝ մինչև վերջին օրը պետք է մնա եւ կարող է նորից Սահմանադրություն փոխել եւ ասել՝ «տեսեք, փոշմանեցինք, խորհրդարանական մոդելն իրեն չի արդարացնում»…այս առումով երկիմաստ վիճակ է»,-նկատեց Սուրեն Զոլյանը:
Ըստ նրա՝ երաշխիք չկա, որ Կառավարության բարեփոխումներն առաջիկա խորհրդարանական ընտրություններից հետո չեն ավարտվի:
Կարդացեք նաև
Լուիզա ՍՈՒՔԻԱՍՅԱՆ
