«Քլինթոնը ճակատագրական սայթաքում արեց, երբ հայտարարեց, թե նախագահ դառնալու դեպքում աշխարհի երեսից սրբելու է Ռուսաստանը եւ նրա դաշնակիցներին: Սա խաղաքարտ դարձավ Թրամփի թիմի ձեռքին: Այդ տեղեկատվությունը հեռացվեց համացանցից, բայց հատուկ ծառայությունները հրապարակեցին նամակագրության փաստեր, որոնք վատ ազդեցություն ունեցան Քլինթոնի համար»,-այսօր «Հայելի» մամուլի ակումբում ասաց ՀՀ արտակարգ եւ լիազոր դեսպան Արման Նավասարդյանը:
Նրա բնորոշմամբ՝ որքան էլ ԱՄՆ-ում տիրում են հակառուսական տրամադրություններ, շարքային ամերիկացին 3-րդ համաշխարհային պատերազմ չի ուզում. «Քլինթոնի ռազմատենչ հայտարարությունները ենթագիտակցական մակարդակով գործեցին ի վնաս իրեն»:
Արման Նավասարդյանը կարծում է, որ Ամերիկայի հայ համայնքն այնքան էլ ճիշտ չվարվեց՝ հայտարարելով, որ չի սատարում թեկնածուներից ոչ մեկին. «Քաղաքականության մեջ նեղացկոտ լինելը ճիշտ չէ: Եթե հիմա հայ համայնքը որոշի որեւէ քայլ անել, դժվարությունների կհանդիպի…»:
Ըստ դիվանագետի՝ եթե Հիլարի Քլինթոնն ընտրվեր, աշխատելու էր Կովկասում ԱՄՆ ազդեցությունն ավելացնելու ուղղությամբ. «Ծիծաղելի է ասել, որ եթե նա դառնար նախագահ, ԼՂՀ-ի համար ինչ-որ բան էր անելու»:
Կարդացեք նաև
Հիշեցնենք, որ ԱՄՆ նախագահի ընտրություններում հաղթել է հանրապետական Դոնալդ Թրամփը:
Լուիզա ՍՈՒՔԻԱՍՅԱՆ
