ԵՊԼՀ նախկին ռեկտոր, քաղաքագետ Սուրեն Զոլյանը դժվարանում է նշել, թե ԱՄՆ նախագահի ընտրություններում հաղթած Դոնալդ Թրամփն արտաքին քաղաքականության մեջ ինչ փոփոխություններ է իրականացնելու, քանի որ վերջինս հայտարարել էր՝ իր հիմնական խնդիրն է կարգավորել կյանքը ԱՄՆ-ում, հետո անցնել արտաքին խնդիրներին:
«Անկախ նրանից՝ ո՞վ է նախագահը, արտաքին քաղաքականության լուրջ փոփոխություն չի ենթադրվում: Նույնը վերաբերում է հայ-ամերիկյան հարաբերություններին, քանի որ ՀՀ-ն այնքան աննշան տեղ է զբաղեցնում ԱՄՆ արտաքին քաղաքականության մեջ»,-այսօր «Հայելի» մամուլի ակումբում ասաց Սուրեն Զոլյանը:
Նա հայ-ամերիկյան հարաբերություններում փոփոխություններ չի կանխատեսում. «Թրամփն առհասարակ նախկին ԽՍՀՄ երկրների հետ հարաբերությունների մասին չի խոսել: Թրամփի դիրքորոշումը Ռուսաստանի հանդեպ բարյացակամ չէ, բայց նա կարծում է, որ Ռուսաստանի հետ պետք է ոչ թե պատերազմել, այլ լեզու գտնել»:
Կարդացեք նաև
Լուիզա ՍՈՒՔԻԱՍՅԱՆ
