ԱՄՆ նախագահական ընտրություններում 41 նահանգներում ձայների նախնական հաշվարկի արդյունքում հաղթանակ է տանում հանրապետական Դոնալդ Թրամփը: Այնուամենայնիվ, Հիլարի Քլինթոնը դեռ հաղթելու հնարավորություն ունի, չի բացառվում նաև ոչ-ոքին:
ԱՄՆ առաջատար պարբերականների և հեռուստաալիքների կանխատեսումներով՝ հաղթելու առավել մեծ հավանականություն ունի Դոնալդ Թրամփը:
BBC-ն գրում է, որ Քլինթինին Սպիտակ տուն ոտք դնելու համար անհրաժեշտ է հաղթել Փենսիլվանիայում, Միչիգանում և Վիսկոնինում, մինչդեռ Թրամփի հաղթելու հավանականությունն ավելի մեծ է:
Այս պահի դրությամբ Թրամփը հաղթել է Ֆլորիդայում և Օհայոյում, Քլինթոնը՝ Վիրջինիայում և Կոլորադոյում: Միչիգանում, Փենսիլվանիայում և Նյու Հեմփշիրում նախնական տվյալներով Քլինթոնի և Թրամփի ձայների հավասար են:
Կարդացեք նաև
Այս պահին ԱՄՆ-ում փակվել են բոլոր ընտրատեղամասերը: Շուտով հայտնի կդառնա ընտրությունների արդյունքները Փենսիլվանիայում, որը տատանվող նահանգներից մեկն է:
Թրամփի հաղթանակի մասին լուրերի ֆոնին ամերիկյան դոլարի փոխարժեքը եվրոյի և իենի նկատմամբ ընկել է:
Պատրաստեց՝ Վիկտորյա ԱՆԴՐԵԱՍՅԱՆԸ
