Լարուած պայմաններու մէջ ընտրութիւն կատարեցինք: Անձկութեամբ կը սպասենք արդիւնքներուն: Աշխարհը ակնդէտ կը հետեւի նախագահական ընտրութիւններուն: Մենք ալ, մեր կարգին, հակառակ անոր որ իբրեւ Հայ Դատի գնահատականները որդեգրող քաղաքացիներ՝ ոչ ոքի քուէ տալու տրամադրութիւն ունէինք, երկու չարեաց փոքրագոյնի ընտրութիւն մը կատարեցինք:
Գնահատելով ընտրապայքարի հայ համայնքին մասնակցութիւնը՝ հաստատօրէն կրնանք պնդել, որ նախընտրական շրջանի մեծագոյն իրագործումը մեր համայնքէն ներս կատարուած քարոզչական աշխատա՛նքն էր՝ հայկական քուէներու թիւը բարձրացնելու եւ ընտրական մեր խարիսխը ամրացնելու ուղղութեամբ։
Քարոզչութենէն անդին, Հայ Դատի յանձնախումբին կողքին աշխատանքի լծուեցան յատուկ օղակներ՝ «ՀայՎոթս» անուան տակ, որոնք ժրաջանօրէն հայ քաղաքացիներու քուէները արձանագրելու գործին լծուեցան:
Քուէարկութեանց արդիւնքներու քննութիւնը մեզ հնարաւորութիւն պիտի տայ գնահատելու, թէ մեր համայնքի քաղաքական ներկայացուցչութիւնը իր ուսերուն վերցուցած Հայ Դատի յանձնախումբը որքանո՛վ հայ քուէարկողներ շարժելու եւ անոնց կողմնորոշման վրայ ազդելու հնարաւորութիւն ունի:
Կարդացեք նաև
ԱԲՕ ՊՈՂԻԿԵԱՆ
Նյութի մանրամասները կարդացեք «Ասպարեզ»–ի կայքում
