Թուրքիայի Հանրապետության պատմության մեջ ամենաարյունալի ռազմական հեղաշրջման կազմակերպիչները ծրագրել էին իշխանությունից հեռացնել Էրդողանին, սակայն ակամայից փոխարենը նրան տվեցին երկրում արտակարգ դրություն սահմանելու եւ անցանկալի բոլոր տարրերից ձերբազատվելու բացառիկ հնարավորություն՝ «Առավոտ»-ին տված հարցազրույցում նման կարծիք հայտնեց թուրքագետ Հայկ Գաբրիելյանը` անդրադառնալով օրերս Թուրքիայում Ժողովուրդների դեմոկրատական կուսակցության պատգամավորների ձերբակալություններին եւ երկրում տիրող ընդհանուր իրավիճակին:
Թուրքագետ Հայկ Գաբրիելյանը
«Դա էլ ավելի կնպաստի Թուրքիայի «էրդողականացմանը», նրա միանձնյա իշխանության ամրապնդմանը, եւ ֆորս-մաժորների բացակայության դեպքում 2023թ. (Մուսթաֆա Քեմալ Աթաթուրքի կողմից Թուրքիայի Հանրապետության հիմնադրման 100-ամյակ) կդիմավորեն ոչ թե «աթաթուրքյան Թուրքիայում», այլ «էրդողականացված Թուրքիայում» (Էրդողանն ըստ ամենայնի 5 տարով Թուրքիայի նախագահի պաշտոնում կվերընտրվի 2019թ.)»,- հավելեց մեր զրուցակիցը:
Թեմայի մանրամասները` «Առավոտ»-ի այսօրվա համարում:
Կարդացեք նաև
