Հավաքական անվտանգության Կովկասյան տարածաշրջանում կստեղծվի Հայաստանի և Ռուսաստանի զորքերի միավորված խմբավորում: Այս մասին է վկայում Ռուսաստանի կառավարության կողմից նախագահի ստորագրմանը ներկայացված համաձայնագրի նախագիծը, որը տեղադրված է Ռուսաստանի իրավական ինֆորմացիայի պաշտոնական կայքում:
Համաձայնագրի տեքստում նշվում է, որ խմբավորումը ստեղծվում է «Կովկասյան տարածաշրջանում կողմերի անվտանգությունն ապահովելու նպատակով»: Այն կկնքվի 5 տարի ժամկետով և ավտոմատ կերպով կերկարձագվի, եթե կողմերից ոչ մեկը դրանից դուրս գալու ցանկություն չհայտնի:
Ստեղծվող խմբավորման հիմնական նպատակը կլինի հետ մղել հարձակումը կողմերից որևէ մեկի վրա, ինչպես նաև պաշտպանել Հայաստանի և Ռուսաստանի պետական սահմանները:
Խմբավորման հրամանատարը կնշանակվի Հայաստանի զինված ուժերի գերագույն գլխավոր հրամանատարի կողմից՝ Ռուսաստանի զինված ուժերի գերագույն գլխավոր հրամանատարի հետ համաձայնությամբ:
Կարդացեք նաև
Խաղաղ ժամանակ խմբավորման հրամանատարը կենթարկվի Հայաստանի Գլխավոր շտաբին, իսկ ռազմական դրության դեպքում կողմերի համաձայնությամբ, հնարավոր է, ենթարկվի Ռուսաստանի Հարավային ռազմական շրջանի հրամանատարությանը:
Պատրաստեց՝ Վիկտորյա ԱՆԴՐԵԱՍՅԱՆԸ
