«Իտալիան մի քանի ամսից պատրաստվում է ընդունել ԵԱՀԿ համանախագահությունը եւ մի քանի ամսից նախագահությունը, եւ մեր ուշադրության կենտրոնում պետք է լինեն, այսպես կոչված, սառեցված հակամարտությունները»,- նոյեմբերի 8-ին ՀՀ արտաքին գործերի նախարար Էդվարդ Նալբանդյանի հետ լրագրողների հետ հանդիպման ընթացքում ասաց Իտալիայի արտաքին գործերի նախարար Պաոլո Ջենտիլոնին:
Նա առանձնացրեց Ուկրաինան, Աբխազիան, Հարավային Օսեթիան եւ Արցախի հիմնախնդիրը. «Արցախի հիմնախնդրի վերաբերյալ Իտալիան պնդում է, որ պետք է խաղաղ, դիվանագիտական լուծում տրվի հարցին: Մենք բացարձակապես չենք ցանկանում, որ պատերազմական գործողություններ լինեն այս տարածաշրջանում: Մենք մաղթում ենք, որ մոտակա շաբաթներին Մինսկի խմբի համանախագահների՝ Ռուսաստանի, Ֆրանսիայի եւ ԱՄՆ-ի ջանքը կդառնա դրական մի լիցք»:
Ամի ՉԻՉԱԿՅԱՆ
