Վաղը պատրաստվում են կնքել Գյումրու Տեքստիլագործների թաղամասում գտնվող «Գյումրու երեխաների տուն» ՊՈԱԿ-ի բոլոր՝ թվով 27 երեխաներին, որոնց մի մասի կնքահայրը լինելու է Շիրակի դաշնակցական մարզպետ Հովսեփ Սիմոնյանը, մյուսներինը՝ փոխմարզպետներ Սեյրան Պետրոսյանն ու Հարություն Արշակյանը։
Նշենք, որ այս խնամքի կենտրոնում գտնվում են մինչեւ 6 տարեկան ֆիզիկական եւ մտավոր խնդիրներ ունեցող երեխաներ։
Նրանց կմկրտեն Շիրակի թեմի առաջնորդ Միքայել եպիսկոպոս Աջապահյանն ու Անթիլիասի եկեղեցու Սրբազաններից մեկը։ Հիշեցնենք, որ Անթիլիասում է գտնվում Մեծի Տանն Կիլիկո կաթողիկոսությունը՝ իր թեմերով և հոգևոր դպրոցներով։ Կիլիկո կաթողիկոսությունը 1930 թվականին է տեղափոխվել Բեյրութից հյուսիս գտնվող Անթիլիաս ավան։ Այստեղ մեծ դերակատարություն ունեն դաշնակցականները։
Խաչերն ամենայն հավանականությամբ կնվիրեն հենց նրանք՝ կնքահայր դարձնելով իրենց դաշնակցական ընկերոջը՝ Հովսեփ Սիմոնյանին ու նրա երկու ՀՀԿ-ական տեղակալներին։
Կարդացեք նաև
Լուսանկարը՝ Շիրակի մարզպետարանի կայքի
Նունե ԱՐԵՎՇԱՏՅԱՆ
