Վերաքննիչ քրեական դատարանը նոյեմբերի 7-ին քննում էր «Սասնա ծռեր» խմբավորման անդամ Գեւորգ Իրիցյանի գործով բողոքը:
Նրա պաշտպան Լուսինե Մարտիրոսյանը Aravot.am-ի հետ զրույցում ասաց, որ դատական նիստի ընթացքում ներկայացվել է բողոք, իսկ դատախազը՝ առարկություն. «Մեղադրական կողմը միանշանակ չկարողացավ հիմնավորել, քանի որ Գեւորգ Իրիցյանին մեղադրանք է առաջադրված Քրեական օրենսգրքի 218 (պատանդ վերցնելը) եւ 235 (ապօրինի կերպով զենք, ռազմամթերք, պայթուցիկ նյութեր կամ պայթուցիկ սարքեր ձեռք բերելը, իրացնելը, պահելը, փոխադրելը կամ կրելը) հոդվածներով, ինչպես «Սասնա ծռեր» խմբավորման մյուս անդամներին, սակայն արդեն երկրորդ անգամ է, որ առաջին ատյանի դատարանը գտնում է, որ հիմնավորված չէ»:
Լուսինե Մարտիրոսյանը մեզ հայտնեց նաեւ, որ Գեւորգ Իրիցյանը չի մասնակցել դատական նիստին. «Ինքը նախկինում դիմում է ներկայացրել, որ չի վստահում դատարանին, որ նա քաղաքական որոշում է կայացնելու: Առաջին ատյանի դատարանում, չնայած այն հանգամանքին, որ այնուամենայնիվ բերել էին դատարան, ինքը դատական նիստի կեսից դուրս է եկել, հրաժարվել է մասնակցել դատական նիստին:
Դատական նիստը հետաձգվել է, բողոքի քննությունը կշարունակվի նոյեմբերի 9-ին:
Կարդացեք նաև
Ամի ՉԻՉԱԿՅԱՆ
