Վրաստանի նախկին նախագահ, այժմ՝ Օդեսայի նահանգապետ Միխեիլ Սաակաշվիլին որոշել է հրաժարական տալ այդ պաշտոնից: Այս մասին հայտնում է «Ինտերֆաքսը»:
«Ստեղծված իրավիճակում ես որոշել եմ հրաժարական տալ և սկսել պայքարի նոր փուլ»,- այսօր Օդեսայում տեղի ունեցած ճեպազրույցում ասել է Սաակաշվիլին:
Նա հայտնել է, որ իր որոշմանը նպաստել է պատգամավորների և պաշտոնյաների եկամուտների մասին տվյալների հրապարակումը:
«Ես այն զինվորն եմ, որը գնում է ինչքան կարող է և ինչքան պետք է: Ինչքան է պետք լիարժեք հաղթանակի և այն բանի համար, որ Ուկրաինան մաքրվի այս նողկալիությունից, այս կոռուպցիոն կեղտից»,- ասել է Սաակաշվիլին՝ հավելելով, որ Ուկրաինայի նախագահ Պյոտր Պորոշենկոն անձամբ է աջակցում Օդեսայում կոռուպցիոն կլաններին:
Կարդացեք նաև
Սաակաշվիլին Օդեսայի նահանգապետի պաշտոնը զբաղեցնում էր 2015թ. մայիսից:
Պատրաստեց՝ Վիկտորյա ԱՆԴՐԵԱՍՅԱՆԸ
