Մշակույթի նախարար Արմեն Ամիրյանը նոյեմբերի 7-ին Գ. Սունդուկյանի անվան ազգային ակադեմիական թատրոնում ասաց, որ առաջին անգամ է լսում Էջմիածնի ավագանու որոշման մասին, որով նախատեսվում է այդ քաղաքի փողոցներից մեկը կոչել ռաբիս երգիչ Արամ Ասատրյանի անունով, քանի որ նաեւ մահվան 10-ամյա տարելիցն է լրանում:
«Վստա՞հ եք, որ նման որոշում է եղել»,-տարակուսանք հայտնեց նախարարը:
Aravot.am-ի հարցին՝ որպես մշակույթի նախարար ինչպե՞ս է վերաբերվում այդ որոշմանը, Արմեն Ամիրյանը պատասխանեց. «Չեմ վերաբերվում»:
Ինչ վերաբերվում է Երեւան քաղաքի պատմության եւ մշակույթի հուշարձանների ցանկին, դրա մասին էլ ասաց, որ քննարկվել է օրենսդրական առաջարկությամբ հանդես գալու մի տարբերակ, ըստ որի, այն շենքերը, որոնք ունեն 100 տարվա պատմություն, այլեւս պատմամշակութային արժեք են ու հուշարձան, եւ սեփականատերը իրավունք չունի քանդելու դրանք, նաեւ պարտավոր է պահպանել: «Պետք է այս ամենը ամրագրել օրենքով: Դա միակ լուծումն է…Ունենք այն օրենքը, ինչ այսօր ունենք, ունենք այն ցանկերը, ինչ այսօր ունենք, հիմա ի՞նչ անենք, պահակնե՞ր նշանակենք»,-ասաց նա:
Կարդացեք նաև
Գոհար ՀԱԿՈԲՅԱՆ
