Այսօր` նոյեմբերի 7-ին, Հայաստանի հանրապետական կուսակցության երիտասարդական կազմակերպության շուրջ 25 երիտասարդներ մասնակցում են Իմպերիում պլազա բիզնես կենտրոնում ընթացող Ընտրական արշավների ռազմավարական պլանավորումը» խորագրով դասընթացներին: Ծրագիրը կազմակերպվել է «Քաղաքացիական համաձայնություն» հասարակական կազմակերպության կողմից:
Դասընթացները վարում են «ՄԿՌ մեդիա Արմենիա» ընկերությունների խմբի գործադիր տնօրեն Տիգրան Հակոբյանը և Հեռուստատեսության և ռադիոյի ազգային հանձնաժողովի անդամ Արմեն Մկրտչյանը:
Ծրագրի բացմանը ներկա էր ՀՀԿ ԵԿ ղեկավար, Աժ պատգամավոր Կարեն Ավագյանը, ով ողջունելով այս նախաձեռնությունը` նշեց, որ ՀՀԿ երիտասարդական կազմակերպությունը անընդհատ սերնդափոխություն ապահովող, նոր և խելացի կադրերով համալրվող և թարմ ու արդիական գաղափարներով ծրագրեր իրականացնող կազմակերպություն է: «Այսօրվա ծրագրին մեր երիտասարդների մասնակցությունը նոր հնարավորություն է կուսակցության համար` մրցունակության բարձրացման տեսանկյունից, քանի որ մեր երիտասարդները բավականին ակտիվ մասնակցություն են ցուցաբերում ընտրական գործընթացներին»,- հավելեց ՀՀԿ ԵԿ ղեկավարը:
Ծրագրի ընթացքում ներկայացվելու են ռազմավարական և մարտավարական խնդիրների լուծման տարբերակներ, քննարկվելու են ընտրական արշավի մարտավարության, նախընտրական արշավի ղեկավարման, ընտրարշավային ռազմավարության մշակման հետ կապված հարցեր, որոնք ուղեկցվելու են հարց ու պատասխանով և գործնական աշխատանքներով:
Կարդացեք նաև
ՀՀԿ երիտասարդական կազմակերպություն
