Տեղեկատվական անվտանգության փորձագետ Սամվել Մարտիրոսյանն այսօր «ԷՕՆ»-ում դասախոսություն կարդաց այն մասին, թե ցանցային դարաշրջանում ինչպե՞ս են պայքարում պետությունների կողմից մարդկանց վերահսկողության համակարգերը եւ դրանց հակադիր կողմը՝ «կիբերանարխիզմը»:
Aravot.am-ը հետաքրքրվեց, թե ինչպես է դրսեւորվում այդ պայքարը Հայաստանում: «Մինչեւ վերջերս այն առանձնապես չէր դրսեւորվում, քանի որ ցանցը դժվար է զարգացել: Համացանցի շնորհիվ երիտասարդության շրջանում «ձախ»՝ անարխիստական շարժում ձեւավորվեց, որն աչքի ընկավ ցանցային ակցիաներով, օրինակ՝ Բաղրամյանի դեպքերի ժամանակ»,-մեզ հետ զրույցում ասաց Սամվել Մարտիրոսյանը:
Նա նշեց, որ մինչեւ վերջերս հայաստանյան հաքերային համայնքը յուրահատուկ կերպով էր զարգանում. «Մեզ համար նորմալ է, որ հայ հաքերներն ադրբեջանցիների եւ թուրքերի դեմ են պայքարում, բայց աշխարհում դա հաքերության տեղային դրսեւորում է: Կա «կրիմինալ հաքինգ», որը փող աշխատելու համար է: Կա «գաղափարախոսական հաքինգ»՝ անարխիստական շարժումներ, որոնք պայքարում են պետական համակարգի դեմ: Մեզանում վերջին մեկ տարում դա էլ դրսեւորվեց: Օրինակ՝ այսօր հաքերների մի խումբ ոստիկանության՝ պետավտոտեսչության համակարգի դեմ հարձակում է արել: Կայքի վրա Ddos հարձակում են արել, ինչ-որ ժամանակ այն «պառկել» է՝ չի աշխատել: Դա բողոքի ակցիա է ոստիկանության դեմ: Պատճառն ավելի վաղ էլ է նշվել, երբ Բաղրամյան պողոտայում ոստիկանությունը ծեծեց քաղաքացիներին եւ լրագրողներին: Այդ ժամանակ ի հայտ եկավ այդ հաքերային խումբը եւ հարձակում իրականացրեց ոստիկանության դեմ: Երկրորդ դեպքն էլ եղել է «Սասնա ծռերի» ժամանակ, երբ ծեծ ու ջարդ եղավ»:
Անդրադառնալով սոցցանցերին, մասնավորապես՝ «Ֆեյսբուքին», փորձագետը նկատեց՝ «ֆեյսբուքյան» նամակագրությունը թափանցիկ եւ վերահսկելի: Դա որոշակիորեն վերաբերում է նաեւ հայ օգտատերերին:
Կարդացեք նաև
Լուիզա ՍՈՒՔԻԱՍՅԱՆ
