Թե՛ Սերժ Սարգսյանը, եւ թե՛ Կարեն Կարապետյանը իրենց հանձնարարականներում մոռացան ամենակարեւոր հարցը՝ երթեւեկության կանոնների հարցը։ Մենք բազմիցս ենք գրել, որ երթեւեկության կանոնները «ժամկետանց» են Հայաստանում։
Ու թեեւ Սերժ Սարգսյանը նշեց, որ տուգանքի նպատակը պետք է լինի ոչ թե գումար աշխատելը, այլ իրավախախտումների կանխարգելումը, որեւէ գործառույթ չնախատեսվեց իրավախախտումներ եւ վթարներ ծնող երթեւեկության կանոններն ու դրանց կիրառման պրակտիկան փոխելու ուղղությամբ։
Չերեւացող նշանները, անտրամաբանական ու ջնջված գծանշումները, ծուղակներով լուսացույցները ու երթեւեկության որոշ կանոնները այնպիսին են, որ վարորդները խախտում են անում ու տուգանվում անգամ անկախ իրենց կամքից։
Քանի դեռ արեւմուտքում երթեւեկության կազմակերպումն այնպիսին է, որ պատահաբար խախտում կատարելը գրեթե անհնար է, մեր երկրում իրավիճակն այլ է։ Միմիայն ծուղակներով սեկցիաներով լուսացույցների պատճառով տարեկան շուրջ 15 հազար վարորդ տուգանվում է, թեեւ խաչմերուկ են մտնում լուսացույցի հիմնական կանաչ լույսի տակ։
Կարդացեք նաև
Այս խնդիրներն են, որ պետք է վերացվեն, որ ճանապարհային երթեւեկությունը դառնա առավել անվտանգ, խախտումների քանակը իրապես նվազի, եւ երթեւեկությունը դառնա ավելի քաղաքակիրթ ու կարգապահ։
Դանիել ԻՈԱՆՆԻՍՅԱՆ
Հոդվածն ամբողջությամբ կարող եք կարդալ «Հայկական ժամանակ» թերթի այսօրվա համարում
