Երևանցիներս շատ լավ ենք հիշում թե՛ Հաղթանակ զբոսայգու, թե՛ դիմացի տարածքի անտառները, որոնք բարբարոսաբար վերացվում են այնպես, ինչպես «Հաղթանակ» զբոսայգու անտառը, որտեղ, հակառակ քաղաքացիների բողոքների, կառուցվեց հյուրանոց: Վերացավ իշխանության մեջ աշխատող տարբեր չինովնիկների կողմից մեր քաղաքը չսիրելու, բնապահպանության վերաբերյալ տարրական գիտելիքներ չունենալու ու ագահության արդյունքում: Ու ցավալիորեն ոչինչ չենք կարողանում անել:
Հարգելի պարոն Մարգարյան
Հաղթանակ զբոսայգու դիմացի մայթի պարսպի ետևում կա պարսպապատված մի հսկա շինհրապարակ, որտեղ աշխատում է ծանր շինտեխնիկա:
Խնդրում եմ պարզաբանել, թե ե՞րբ և ո՞ւմ կողմից է այդ տարածքը հատկացվել և ո՞ւմ, ի՞նչ է կառուցվում այդ տարածքում, ո՞ւմ կողմից:
Կարդացեք նաև
Խնդրում եմ տրամադրել այդ տարածքի հատկացման, շինթույլտվության նախագծի մասին որոշման վերաբերյալ փաստաթղթերի պատճեները:
Կից ներկայացնում եմ տարածքի լուսանկարը:
Անահիտ Բախշյան
Երևանի ավագանու «Բարև Երևան» խմբակցության անդամ
