«Եթե տեղյակ լինեինք, կարգելեինք ու թույլ չէինք տա»,- այսօր առաջին տպարանի շենքի քանդման մասին այսպես արձագանքեց քաղաքապետ Տարոն Մարգարյանը:
Ըստ նրա. «Մենք սկզբունքորեն դեմ ենք նման մոտեցմամբ, նման եղանակով քանդման իրականացմանը: Երեւանում մեկ դեպք ենք ունեցել՝ Կրկեսի շենքն էր, որը պայթեցման եղանակով իրականացվեց, բայց հասարակության ընդվզումները տեսանք, ու գոնե քաղաքապետարանն իր մեջ հետեւություններ արեց, այն թիմը, որը համաձայնություն էր տվել կրկեսի շենքի պայթեցմանը, եւ մեզ մոտ արգելվեցին նման թույլտվությունները: Աշխարհում ընդունված են նման քանդման թույլտվությունները, բայց այդ մշակույթը մեր երկրում ընդունելի չէ: ՀՀ վարչապետը հանձնարարեց կառուցապատողին ու համապատասխան ծառայություններին մեղավորներին պատժել, մենք էլ ենք դատապարտում»:
Տարոն Մարգարյանի խոսքով, քաղաքապետարանը տրամադրել էր քաղաքաշինական փաստաթղթեր, քանդման թույլտվություն, նախագիծ էր հաստատվել, շինարարն այդ նախագծով իր աշխատանքները կազմակերպում էր. «Սեփականատերն ինքնուրույն որոշել էր ու ԱԻՆ-ին տեղյակ էր պահել, մենք նման մոտեցումները դատապարտում ենք»:
Կարդացեք նաև
Արփինե ՍԻՄՈՆՅԱՆ
