ՀՀ կառավարության շենքի դիմաց այսօրվանից անժամկետ հացադուլ հայտարարած ազատամարտիկ, Զովունի գյուղի բնակիչ Սարգիս Ղազարյանն Aravot.am-ին ասում է, որ իրեն Արաբկիր եւ Քանաքեռ-Զեյթուն վարչական շրջանների ընդհանուր իրավասության դատարանը հանիրավի դատապարտել է տուգանքի՝ 300 000 ՀՀ դրամի չափով:
Մինչդեռ, ազատամարտիկի եւ «Արցախբանկի« նախկին աշխատակից Անուշ Շահրամանյանի միջեւ նոտարական վավերացմամբ կնքվել է փոխառության պայմանագիր, կա ստացական, որ ազատամարտիկն է գումարներ տվել նրան, սակայն երբ մայր գումարը պահանջել է, իր նկատմամբ քրեական գործ են հարուցել վաշխառության համար:
Ազատամարտիկն ասում է, որ այս կնոջ զոհերը բազմաթիվ են, որ խառնված են բարձրաստիճան անձինք, ԱԺ պատգամավոր, որի անունը տվել է, եւ կար ձայնագրության մեջ, սակայն իր ձայնագրություններին իրավապահները ընթացք չեն տալիս, իսկ ինքն էլ որեւէ մեկին պարտք չէ, այլ պարտք է բանկի նախկին աշխատակիցը՝ մինչեւ 54 000 դոլարին համարժեք ՀՀ դրամ գումար:
Կարդացեք նաև
Ի դեպ, այդ գումարները նա հավաքել էր իր հարազատներից:
Սարգիս Ղազարյանն ասում է, որ իրեն մոտեցած ՀՀ փոխվարչապետ Վաչե Գաբրիելյանին ասել է, որ ունի դիմում ՀՀ վարչապետին ուղղված եւ կան ձայնագրություններ, որոնց ընթացք չեն տրվել:
