(Ժողովուրդի Արթուն Պահակը Ըլլալու Կոչումը Եւ Իշխանութեանց Խօսափողը Դառնալու… Ձեռնթափութիւնը)
Հայ լրագրողներու համահայկական 8րդ համաժողովի լրատուութեան հետեւող ընթերցողներու ուշադրութենէն վստահաբար չվրիպեցան ՀՀ իշխանութեանց եւ անոնց քարոզչութիւնը կատարող լրատուամիջոցներուն կողմէ մամլոյ նուիրեալներուն շնորհուած գնահատականի ու մեծարանքի վերամբարձ զեղումները։
Նոյնիսկ նախագահ Սերժ Սարգսեան անձամբ միացաւ գովազդային քարոզչութեան իշխանական համերգին, երբ 24 Հոկտեմբերին ընդունելով համաժողովի մասնակիցները՝ ի միջի այլոց այսօրինակ լորձնաշուրթն գնահտականներ եւ «յանձնարարականներ» բաշխեց մամլոյ յառաջապահներուն.
– Դուք մեծ ուժ էք, դուք ձեր գործունէութեամբ մեզի վստահութիւն եւ եռանդ կու տաք, որպէսզի մենք կարենանք ուժերու առաւելագոյն գործադրութեամբ կատարել մեր պարտականութիւնները:
– Կը կարծեմ, թէ չափազանց կարեւոր է միշտ հաւատարիմ ըլլալ լրագրողական բարեխղճութեան: Շատ կարեւոր է նաեւ, որ մենք մեր ջանքերը կարենանք համատեղել, գտնել այն էական խնդիրները, որոնց լուծման վրայ պէտք է ծախսենք մեր հիմնական ներուժը եւ մեր կարողութիւնները։
Հայաստանի նախագահը ի դէպ ընդգծած է նաեւ, թէ որքան սուր ըլլայ ճշմարտութիւնը ներկայացնելու գրիչը, այնքան անիկա օգտակար կ՛ըլլայ եւ չի վնասեր, իսկ նոյն այդ գրիչը, լրագրողական կարողութիւնները, լրատուամիջոցներու ազդեցութիւնը անզգոյշ օգտագործուելու պարագային՝ կրնան մեծ հարցերու ծնունդ տալ:
Նախագահ Սարգսեան անկասկած շօշափելի եւ քաջալերական պատճառներ ունի, որպէսզի իր գլխաւորած իշխանութեան համակարգին չարաշահումները, խաթարուածութիւնը եւ ապիկարութիւնը միայն հարեւանցի դատապարտող մամուլն ու լրագիրները այսքան գոհունակ ողջունելու համար։
ՆԱԶԱՐԷԹ ՊԷՐՊԷՐԵԱՆ
Նյութի մանրամասները կարդացեք «Ասպարեզ»-ի կայքում
