Արդյո՞ք հայ-թուրքական արձանագրությունները կվերադարձվեն քաղաքական օրակարգ, եթե նոյեմբերի 8-ի նախագահական ընտրություններին հաղթի թեկնածու Հիլարի Քլինտոնը: Այս հարցի շուրջ մեկնաբանություն են տալիս փորձագետները:
«Պետքարտուղար Քլինտոնն ուներ ավելի դրական մոտեցում և ավելի շատ էր ընդգրկված հայ-թուրքական հաշտեցման հարցում, քան նախագահ Օբաման: Հուսամ նախագահ դառնալու դեպքում նա կվերսկի այս գործընթացը»,- նշում է Մուջիբ Խանը Կալիֆոռնիայի համալսարանից։
«Ցավոք, կարծում եմ այսօր հայ-թուրքական հաշտեցումը կորցրել է իր կարևորությունը, քանի որ առկա են բազմաթիվ այլ խնդիրներ: Ո՛չ Անկարայի և ո՛չ էլ Վաշինգտոնի համար դա առաջնահերթություն չէ: Հուսամ հաշտեցման գործընթացը կվերսկսվի, բայց չեմ տեսնում, որ կողմերից որևէ մեկը հետաքրքրված լինի այս հարցում»,- Փրինստոնի համալսարանից Մայքլ Ռեյնոլդսը:
«Այսօր հայ- թուրքական հարաբերությունները գտնվում են շատ ցածր մակարդակի վրա: Երկխոսության հեռանկարները չափազանց փոքր են, քանի որ Թուրքիան գտնվում է ավտորիտարիզմից դեպի բռնապետություն անցման փուլում: Եթե Թուրքիան ցանկանա քայլեր ձեռնարկել արձանագրությունների վավերացման հարցում, ապա անհրաժեշտ կլինեն որոշակի քաղաքական բանակցություններ ու վստահության մթնոլորտի ձևավորում, որոնք դրականորեն կազդեն երկկողմանի հարաբերությունների վրա: Սակայն այսօր նման ցանկություն թուրքական կողմից չի նկատվում»,- ասում է Կոլումբիայի համալսարանի Խաղաղության և մարդու իրավունքների ծրագրի ղեկավար Դեյվիդ Ֆիլիփսը:
Կարդացեք նաև
Մանրամասներին կարող եք ծանոթանալ՝ «Ամերիկայի ձայն»-ի կայքում:
