Այսօր ԶԼՄ-ների հետ հանդիպմանը հունահռոմեական ոճի ըմբշամարտի Հայաստանի ազգային հավաքականի գլխավոր մարզիչ Լեւոն Ջուլֆալակյանին հարց տրվեց, թե վիրահատության ենթարկված Միհրան Հարությունյանը ե՞րբ կվերսկսի մարզումները եւ կմասնակցի՞ եկող տարվա գարնանը կայանալիք Եվրոպայի առաջնությանը:
«Նախապես ասեմ, որ նա Եվրոպայի առաջնությանը չի մասնակցի: Վիրահատությունը որակով են արել, բայց բժիշկն ասել է, որ Միհրանն առնվազն ութ ամիս վերականգնողական փուլ պետք է անցնի եւ ծանրաբեռնված մարզումներ չպետք է անի», – ասաց Լեւոն Ջուլֆալակյանը:
Աշոտ ՀԱԿՈԲՅԱՆ
