«Ստվերային տնտեսության մեջ ներգրավված բոլոր կողմերը շահագրգռված են դրանում՝ արտադրողից մինչեւ իրացնող»,-այսօր «Փաստարկ» մամուլի ակումբում անդրադառնալով հարցին, թե ինչպես է նոր կառավարությունը պայքարելու ստվերային տնտեսության դեմ, ասաց ԱԺ ՀՀԿ խմբակցության պատգամավոր Խոսրով Հարությունյանը:
Նրա բնորոշմամբ՝ միայն սպառողին «ձեռ չի տալիս» ստվերը, սակայն հենց վերջինս է նպաստում ստվերին. «Ինչ-որ բան գնելուց՝ շատ ենք իմանո՞ւմ՝ «լեվի» օղի ենք գնում, թե «պռավի»: Բայց դրանով նպաստում ենք ստվերի շրջանառությանը»:
Թե ինչ պետք է անի Կառավարությունն այս դեպքում, Խոսրով Հարությունյանի կողքով՝ անհրաժեշտ է տնտեսվարողների գործունեությունը դարձնել թափանցիկ՝ ոչ միայն հարկային մարմինների, այլեւ բնակչության համար. «Դրա ճանապարհը էլեկտրոնային հաշվետվությունների համակարգի ներդրումն է, որն իրականացվում է»:
Հարությունյանն անդրադարձավ նաեւ հարցին, թե արդյոք կառավարության ծրագիրը բավարար հիմքեր է ստեղծել, որպեսզի մենաշնորհների դեմ պայքարը լինի անբեկանելի. «Արդեն բոլորն են գիտակցում, որ առանց ազատ մրցակցության՝ չենք կարող հաջողել: Չորս կողմից շրջափակման մեջ գտնվող երկրի համար ազատությունը ռեսուրս է, կառավարությունն էլ այդ ճանապարհով է գնում: ՊԵԿ-ի կատարած քայլերը վստահություն ներշնչում են: Վարչապետը հասկանում է այն քաղաքական պատասխանատվությունը, որը ստանձնել է հանրության եւ քաղաքական ապագայի առջեւ: Կարծում եմ՝ նրա շատ խոստումներ իրականություն կդառնան»:
Կարդացեք նաև
Լուիզա ՍՈՒՔԻԱՍՅԱՆ
