Հայտնի են «Գրական մրցանակաբաշխություն-21-րդ դար» մրցույթի արդյունքները, որն անցկացվում էր սփյուռքի նախարարության եւ Ռուսաստանի հայերի միության կողմից կազմակերպվող «Համահայկական մրցանակաբաշխություն–2016»-ի շրջանակներում։ Ի տարբերություն նախորդ տարիների, մրցանակաբաշխության ժանրային սահմաններն այս տարի ընդլայնվել էին եւ ընդգրկել պոեզիա, դրամատուրգիա, մանկապատանեկան, նաեւ՝ երիտասարդական գրականություն ժանրերը։
Մրցանակաբաշխությունը նվիրված էր ՀՀ անկախության 25-ամյակին։ Մրցույթի կանոնակարգի համաձայն, բոլոր տեքստերը պետք է լինեին անտիպ եւ ներկայացվեին ծածկանունով։ Ինչ վերաբերում է մրցանակներին, ապա արձակ, պոեզիա, դրամատուրգիա, մանկապատանեկան գրականություն ժանրերի համար նախատեսված են եղել 3-ական մրցանակներ, իսկ երիտասարդականի համար՝ 2-ական։
Ըստ այդմ, մրցանակաբաշխության արդյունքների համաձայն, արձակում 1-ին տեղն զբաղեցրել է Արմեն Շեկոյանը, 2-րդ տեղը՝ Գրիգոր Ջանիկյանը, 3-րդը՝ Էդուարդ Խաչիկյանն եւ Ալեքսանդր Թոփչյանը։
Պոեզիայում 1-ին տեղը՝ Հուսիկ Արան, 2-րդ եւ 3-րդ տեղերը (հավասար միավորներով)՝ Սամվել Կոսյանն ու Վահե Արսենը։
Կարդացեք նաև
Դրամատուրգիայի 1-ին տեղը բաժին է հասել Գուրգեն Խանջյանին, 2-րդը՝ Կարինե Խոդիկյանին, 3-րդը՝ Լիա Իվանյանին։
Մանկապատանեկան գրականության ժանրում 1-ին տեղն զբաղեցրել է Ղուկաս Սիրունյանը, 2-րդ եւ 3-րդ տեղերը (հավասար միավորներով)՝ Լիպարիտ Սարգսյանն ու Էլֆիք Զոհրաբյանը։
Երիտասարդական գրականության մեջ՝ արձակի ժանրում, հաղթող է ճանաչվել Նառա Վարդանյանը, իսկ պոեզիայի մեջ՝ Էդուարդ Հարենցը։
Սոնա ԱԴԱՄՅԱՆ
Հոդվածն ամբողջությամբ կարող եք կարդալ «Հրապարակ» թերթի այսօրվա համարում
