Հաճախ երեխաների առողջությանը մեծ վնաս են հասցնում իրենց սիրելի կոնֆետներն ու քաղցրավենիքները` դրանցում առկա սննդային հավելումների պատճառով: Սննդային հավելումները բնական կամ սինթետիկ քիմիական միացություններ են, որոնք ավելացվում են սննդամթերքին՝ դրանք երկար պահպանելու, կայուն համ ձեռք բերելու կամ արտաքին ապրանքային տեսքը լավացնելու համար: Մասնագետները ծնողներին խորհուրդ են տալիս ուշադիր լինել բաղադրությունում առկա հավելումների քանակին եւ անվանումներին: Օրինակ՝ ուռուցքներ առաջացնող վտանգավոր հավելումներից են` E103, E105, E121, E123, E130, E131, E142, E152, E210, E211, E213-217, E240, E330, E447:
Աղեստամոքսային համակարգի հիվանդություններ` E221-226, E320-322, E338-341, E407, E450, E461-466:
Ալերգիաներ` E230, E231, E232, E239, E311-313:
Լյարդի եւ երիկամների հիվանդություններ` E171-173, E320-E322:
Նշվում է, որ մթերքի գույնի ամրապնդման համար օգտագործվող
ներկանյութերն այս խմբին են պատկանում` E100-E182, բայց եթե այս հավելումը մի սննդամթերքում 3-ից ավելի է, ապա, ըստ մասնագետների, կարելի է առանց օգտագործելու դեն նետել:
Սննդի պահպանումը երկարացնող, սնկերից, մարէներից զերծ պահող կոնսերվանտներն են` E200-E299, հակաօքսիդիչները` E300-E399, կարգավորիչները` E400-E499 եւ այլն:
Մասնագետները ծնողներին խորհուրդ են տալիս ուշադիր լինել եւ կարդալ ապրանքի պիտակի վրա գրվածը: Հատկապես պետք է զերծ մնալ անչափ երկար պահման ժամկետ ունեցող, անբնական գունավոր մթերքների օգտագործումից: Ինչպես նաեւ գունավոր գազով հյութերից, արագ պատրաստման սուպերից, չիպսերից, պաքսիմատներից եւ այլն:
Պատրաստեց ԱՆՈՒՇ ՄԱԹԵՎՈՍՅԱՆԸ
«Առավոտ»
01.11.2016
