Օրերս բազմաբնակարան շենքի վերելակում հերթական դժբախտ դեպքը եղավ: Այսօր ԱԺ-ում լրագրողների հետ զրույցում Երեւանի փոխքաղաքապետ Կամո Արեյանն ասաց, որ դա իրենց առջեւ ծառացած ամենասուր խնդիրներից է:
Նա ասաց, որ մտադիր են նորից պարտադիր վճարի գաղափարը ներդնել, բնակիչը վճարի շահագործման համար, որպեսզի երաշխավորված լինի վճարի ուղղորդումը:
Նա ասաց, որ ներդնողներին գրավելու համար օրենսդրական կարգավորումների վրա են աշխատում. «Վերելակների տարիքային տարբերությունը շենքերի միջեւ շատ մեծ է, տարողության տարբերությունը, տեխնիկական վիճակը տարբեր է, գերակշիռ մասն անհանգստացնող է: Իհարկե, տեխնիկական զննում իրականացվում է, սարքավորումների, պահեստամասերի փոխարինում, ճոպանի, բոլոր կարեւորագույն մասերի ամենօրյա հետեւել կա, բայց տեխնիկապես եւ բարոյապես արդեն մաշված են»:
Կամո Արեյանն ասաց, որ Երեւանում հաշվեգրված է 4651 վերելակ: Նա ասաց, որ տարբեր հաշվարկներ են իրականացնում, որովհետեւ տարբեր արտադրողներ տարբեր գներ են առաջարկում:
Կարդացեք նաև
Հռիփսիմե ՋԵԲԵՋՅԱՆ
