Այսօր ԱԺ-ում լրագրողների հետ զրույցում Երեւանի փոխքաղաքապետ Կամո Արեյանն անդրադարձավ տպարանի շենքի պայթեցմանը. «Դուք ինչ-որ բան շփոթում եք։ Վարչապետի պահանջը եղել է այն, որ հարցը կանոնակարգվի օրենսդրորեն եւ կազմակերպչական առումով։ Քաղաքապետարանը տվել է քանդման թույլտվություն, բայց պայթեցման եղանակով թույլտվություն չի եղել։ Ամբողջ պատասխանատվությունը ստանձնեց կառուցապատողը եւ հայտարարեց, որ ինքն է կազմակերպել պայթեցման եղանակով քանդումը:
Վարչապետն ասել էր, որ սա «սա փորձադաշտ ու պոլիգոն չէ»: Կամո Արեյանը պնդեց, որ շենքը պայթեցման եղանակով քանդման դիմում քաղաքապետարանը չի ստացել, իսկ քանդելու համար քաղաքապետարանի կողմից թույլտվություն տալու համար հիմք է ծառայել լիազորված մարմնի՝ մշակույթի նախարարի հայտարարությունն այն մասին, որ այդ շենքը պատմամշակութային հուշարձան համարվող շենքերի ցանկում ընդգրկված չէ:
Լրագրողները հետաքրքրվեցին՝ Երեւանի դեմքը Ձեզ դո՞ւր է գալիս ՝ նա պատասխանեց, որ Երեւանի՝ օր օրի զարգանալն, իհարկե, իրեն դուր է գալիս, բայց այն, ինչ իրենից ներկայացնում է պատմամշակութային արժեք, չպետք է ավերվի:
Կարդացեք նաև
Հռիփսիմե ՋԵԲԵՋՅԱՆ
