Նոյեմբերի 1-ին Հայաստանի ճարտարապետների միության շենքում հոկտեմբերի 27-ին պայթեցված Առաջին տպարանի կառուցապատման նախագծի քննարկման ժամանակ ճանաչված ճարտարապետ Հրաչ Պողոսյանն ահազանգ հնչեցրեց. «Ականատես կլինենք, որ մի օր էլ Մաշտոցի պողոտայի արվեստագետների շենքը, Մարկ Գրիգորյանի եւ մյուս շենքերը կքանդեն ու դրանց փոխարեն կառուցելու են հյուրանոց, մինչեւ էս անտեր երկիրը չորոշի, թե ինչ է ուզում անել այս քաղաքի հետ: Էս մի շենքը պահում է, մյուսը ձեռքից գնում է, մեկը պահում է, նա է ձեռքից գնում, շատ բարդ վիճակ է, Երեւանը Թամանյանի ժամանակ ուներ 40 հազար բնակչություն, հետո 400 000, 500 000, վերջում էլ դարձավ մեկ միլիոն»:
Նա առաջարկեց ամբողջ կենտրոնը՝ հարակից շենքերով մտցնել հուշարձանների ցանկում եւ իր ձեւակերպմամբ՝ դարձնել յուրովի անձեռնմխելի ու ամեն ինչ օրենքով ամրագրել՝ խուսափելու համար հնարավոր անցանկալի հետեւանքներից:
Գոհար ՀԱԿՈԲՅԱՆ
