Ֆինանսների նախարար Վարդան Արամյանը հայտարարել է, թե 2017 թվականի բյուջեով տնտեսվարողների համար հարկային լրացուցիչ անհարկի բեռ չի ստեղծվի։
«ՉԻ» – «Անհարկի հարկային բեռ» բառակապակցությանն ինքնին նորամուծություն է ֆինանսատնտեսական ոլորտում, բայց խնդիրը դա չէ։ Փաստորեն մինչեւ հիմա իշխանությունները տնտեսվարողների համար ժամանակ առ ժամանակ անհարկի հարկային բեռ են ստեղծել, այսինքն՝ դրա հարկը (անհրաժեշտությունը) չի եղել, բայց իրենք արել են։ Ու հիմա որոշել են՝ սրանից հետո էլ չեն անելու։ Այլ կերպ ասած՝ հարկերը բարձրացնելու են միայն այն դեպքում, եթե դրա անհրաժեշտությունը լինի։ Ինչպիսի խոր փիլիսոփայություն։
Վարդան Արամյանն իսկապես փիլիսոփա է։ Օրինակ՝ անդրադառնալով այն խնդրին, որ 2017-ին թոշակների ու աշխատավարձերի բարձրացում նախատեսված չէ, նա ասել է. «Հեգելն ասել է՝ պետք է ինչ-որ բան զոհաբերես, որ մեկ այլ բան ձեռք բերես»։ Կարող եք վստահ լինել՝ ոնց էլ լինի, բնակչության սոցիալական ծանր վիճակի մասին մի երկու բառ էլ Ֆոյերբախն ասած կլինի, իսկ արտագաղթի մասին հարցերին կարելի է պատասխանել՝ մեջբերումներ անելով Շպենգլերից։
Կարդացեք նաև
Հոդվածն ամբողջությամբ կարող եք կարդալ «Չորրորդ իշխանություն» թերթի այսօրվա համարում
