«2017 թվականի համար կառավարությունը նպատակադրվել է ՀՆԱ-ի շուրջ 3.2 տոկոսի աճի մակարդակ: Հաշվի առնելով տնտեսական պասիվությունը, այս ցուցանիշին հասնելու համար մեզնից բավական ջանքեր կպահանջվի»,-այսօր խորհրդարանում 2017 թվականի բյուջեի ներկայացման ժամանակ հայտարարեց վարչապետ Կարեն Կարապետյանը:
Կարեն Կարապետյանի խոսքը կարճ էր եւ լակոնիկ: Այն ընդամենը մի քանի րոպե տեւեց:
Այդ ընթացքում վարչապետն արձանագրեց` վերջին երկու տարիներին Հայաստանի տնտեսությունը արտաքին աշխարհից եկող ցնցումներով է ուղեկցվում, մասնավորաբար, է ՌԴ տնտեսության անկմամբ եւ տրանսֆերտների նվազմամբ. այս իրավիճակում դժվար է տնտեսական աճ ու կայունություն ապահովել, սակայն այդ նպատակին հասնելու համար կառավարությունն անելու է ամեն ինչ: Այդ նպատակով ըստ նրա, հարկաբյուջետային քաղաքականությունը եղել է հակացիկլիկ, որը բերել է պետական պարտքի ավելացման:
Կարդացեք նաև
Վարչապետն ասաց`խնդիր ունեն բոլոր անհրաժեշտ քայլերը կատարել, որպեսզի մակրոտնտեսական կայունության ապահովեն եւ նվազող բյուջեի միջոցով պարտքի կայունցման հասնեն: «Թափանցիկ գործելակերպով, մոտեցումները հարկատուների բյուջեի մուտքերը պետք է օգտագործել խնայողաբար, նպատակային, արդյունքները տեսանելի հանրության համար»,-ասաց Կարեն Կարապետյանը:
Վարչապետը նշեց`կփորձեն չունենալ դեֆիցիտի ավել աճ, կիրառելով կոշտ քաղաքականություն: Միաժամանակ, կփորձեն բիզնեսին հնարավորինս չճնշել, որ կարողանա վերարտադրվեն. «Ստեղենք նորմալ պլատֆորմ ավելի աշխույժ տնտեսական աճ ապահովվելու համար»:
Նելլի ԳՐԻԳՈՐՅԱՆ
