Տավուշի մարզի սահմանամերձ Բերդի տնտեսության մեջ գյուղատնտեսությունը գերակշռող ճյուղ է: Այնտեղ տարեցտարի ընդլայնվում են մշակվող տարածությունները, գյուղտեխնիկայի կայուն բազա է ստեղծվում: 2016թ. գարնանը Բերդի ավելի քան 1000 ընտանիք անվճար կարտոֆիլի որակյալ սերմացու է ստացել: Այդ սերմնացուի կեսը ձեռք է բերվել Բերդի քաղաքապետարանի , կեսը՝ «Կամրջակ» սոցիալ-բարեգործական հասարակական կազմակերպության միջոցներով:
Պայմանավորվածության համաձայն 2017թ. գարնանը այդ կազմակերպությունը շարունակելու է Բերդին բարեգործական աջակցությունը: Բերդի քաղաքապետ Հարություն Մանուչարյանից տեղեկացանք, որ այս տարի Բերդ քաղաքում 180 հեկտար աշնանացան է արվել, բարենպաստ եղանակի պարագայում ցանքը կշարունակվի, աշնանացանի ցուցանիշը կհասնի 200 հա-ի: Քաղաքապետարանը առաջին վերարտադրության ցորենի սերմացուն ֆերմերներին տրամադրել է կիլոգրամը 160 դրամով:
2016թ.-ին գյուղնախարարության ԾԻԳ-ի 58 միլիոն դրամ ֆինանսավորմամբ Բերդում շահագործման հանձնվեց անասունների արհեստական բեղմնավորման կենտրոն, ինչը շատ կարեւոր է Բերդի տարածաշրջանում անասնապահության զարգացման համար: Այս տարի Բերդն ընդգրկվեց հեռագնա արոտների կառավարման ծրագրում, Բերդ քաղաքում ստեղծված գյուղատնտեսական կոոպերատիվն այդ ծրագրով մինչեւ 2017թ. գարուն ձեռք կբերի 30 միլիոն դրամի գյուղատնտեսական տեխնիկա՝ շարքացան, գութան, անվավոր տրակտոր եւ այլն:
Կարդացեք նաև
Ոսկան ՍԱՐԳՍՅԱՆ
