Նոյեմբերի 5-ին եւ 6-ին անցկացվելու է լողի Հայաստանի պատանիների թիմային առաջնությունը: Այսօր Դավիթ Համբարձումյանի անվան ջրացատկի ՕՀ ՄԴ-ում Հովսեփ Մեսրոպյանի ղեկավարությամբ կայացավ թիմերի գրանցումն ու հաշվառումը:
Aravot.am-ի հետ զրույցում Լողի հայկական դաշնության նախագահ Հովսեփ Մեսրոպյանն ասաց, որ նախատեսվում է 10 թիմերի մասնակցություն՝ Երեւանից, Գյումրիից եւ Վանաձորից, ընդհանուր առմամբ՝ ավելի քան 130 լողորդ: Ֆեդերացիայի նախագահի խոսքերով, վարպետության սանդղակ է սահմանված. Մասնակիցը պետք է ունենա մարզական առնվազն 3-րդ կարգ:
Այդ պատճառով լողուղյակներում մրցելու են հանրապետության բոլոր լավագույն պատանի լողորդները, որոնց շարքում լինելու են նաեւ սպորտի վարպետներ: Ընտրվել են նաեւ լողաոճերն ու լողատարածությունները. Ազատ ոճ՝ 50, 100, 200, 400 մետր, թիկնալող, բրաս, Բատերֆլյայ՝ 50, 100, 200 մետր եւ համալիր լող (տղաներ եւ աղջիկներ) ՝ 100 եւ 200 մետր: Այս բոլոր մրցաձեւերի արդյունքների հանրագումարով կորոշվեն հաղթող եւ մրցանակակիր դարձած թիմերը:
Կարդացեք նաև
Աշոտ ՀԱԿՈԲՅԱՆ
