ՀՀ վարչապետ Կարեն Կարապետյանի հանձնարարությամբ այսօր վերահսկողական ծառայությունը Գյումրու մանկավարժական ինստիտուտում սկսել է անցկացնել ստուգումներ։ Վերահսկողական ծառայության՝ ստուգումներ անցկացնող անձանց թիվը 5-ն է։
Մենք, ի դեպ, փորձեցինք նախնական տեղեկություն ստանալ նրանցից՝ հետաքրքրվելով, թե կոնկրետ ի՞նչ ստուգումներ են անցկացնելու, ո՞ր բաժիններում, սակայն նրանց ղեկավարը, որը մեր այցի պահին գտնվում էր Գյումրու մանկավարժականի ռեկտորի ժամանակավոր պաշտոնակատար Սահակ Մինասյանի առանձնասենյակում, վերջինիս միջոցով փոխանցեց, որ դեռ նոր են եկել ու ասելիք չունեն։
Հիշեցնենք, որ Գյումրու մանկավարժականում ստուգումներ անցկացնելու պատճառը նախորդ օրը Ազգային ժողովում ԲՀԿ-ական պատգամավոր Վահե Էնֆիաջյանի ընթերցած նամակն էր, որտեղ բուհի մի խումբ աշխատակիցների անունից նշվում էր, թե մագիստրատուրայի ընդունելության քննություններին բուհի ոչ մի դեկան, ոչ մի աշխատակից չի մասնակցել։ Մասնակցել է միայն ռեկտորը, իսկ դեկաններին ընդունելության քննության արդյունքները ներկայացվել են ի գիտություն:
Նամակում անդրադարձել էին նաև Սահակ Մինասյանի անձին՝ գրելով. «Բուհի ռեկտորի պաշտոնակատար է նշանակվել Սահակ Մինասյանը, որը շուրջ տասնամյակ լինելով Շիրակի կրթության վարչության պետ, կոռումպացված չինովնիկի համբավ է ձեռք բերել մարզում, կյանքում բուհական կյանքին առնչություն չի ունեցել, անգամ մեկ անգամ լսարան չի մտել»։
Կարդացեք նաև
Պատգամավորը վարչապետին կոչ էր արել վերահսկողական ծառայությանը ուղարկել Գյումրու մանկավարժական՝ ստուգումների, վարչապետն էլ խոստացել ու ուղարկել էր։
Նշենք, որ երեկ այս թեմային արձագանքել էին նաև բուհի դեկանները՝ հայտարարելով, որ այդ ստահոդ նամակի հետ իրենք ոչ մի կապ չունեն։ Իսկ բուհի ռեկտոր Սահակ Մինասյանը, իր պաշտոնավարման հարյուր օրվա կապակցությամբ մամուլի ասուլիս հրավիրելով, հայտարարել էր, որ «Նամակագիրը 4-5 կուսակցություն թռած, 6-րդի հետ բանակցած անձ է»։
Բուհի ռեկտորի ժ/պ-ի պարզաբանմամբ, կրթության ու գիտության նախարարության մշակած ընթացակարգի համաձայն, բուհը մագիստրատուրայի ընդունելության քննություններ չի անցկացրել, մագիստրատուրա ընդունվել են առանց քննությունների, հետևաբար և հանձնաժողով կազմելու, դեկաններին հանձնաժողովներում ընդգրկել-չընդգրկելու խնդիր չէր կարող լինել։
Ըստ Սահակ Մինասյանի, պարզեցված այս ձևով բացառել են կոռուպցիան, ու քանի որ որոշ «շահառուների» հետ են պահել մագիստրատուրայի ու հեռակա ուսուցման ընդունելության ընդհանուր գործընթացից, նրանք խիստ դժգոհ են մնացել ու անանուն նամակ հղել։
ՀՀԿ-ական Սահակ Մինասյանի համոզմամբ, ինչ-որ մեկը պատվիրել կամ խնդրել է Վահե Էնֆիաջյանին խորհրդարանի ամբիոնից ընթերցել այդ տեքստը։
Նունե ԱՐԵՎՇԱՏՅԱՆ
Լուսանկարը՝ Asparez.am-ի
Հենց հմի դեկանները փաստաթուղթ կկեղծեն որ մասնակցել են մագիստրատուրայի ընդունելությանը:
Դեկաններից երեքը չեն ստորագրել:Կեղծիքի հեղինակ մյուս երեք դեկանները պատասխան են տալու իրենց ապօրինությունների համար:
ԳՊՄԻ ուսխորհուրդ ամոթ ձեզ:Դուք չէիք բողոքում Սահակ Մինասյանից,որ ձեզ բանի տեղ չի դնում և ինստիտուտի կանոնագրությունը չի ուղարկել ձեզ…………
Մինասյանի գլխավոր սխալը նա էր,որ նա այս բաց նամակներով փորձեց պաշտպանվել,որը հակառակ էֆեկտն է ունենալու:Ոչ ոք հիմար չէ:Սա ստուգողների մոտ ավելի շատ կասկածներ է առաջացնելու:Լրիվ՝Կեցցե ՍՄՄԿ-ն և ընկեր Ստալինը ոճն է ընտրել պարոն ռեկտորը:
Մինասյանը փորձում է, աշխատակիցներին և ուսանողներին ահաբեկելով կամ սիրաշահելով, պաշտպանվել, իսկ նրան օգնում է ամենահաս դեկան Հայրապետյանը՝ հանուն սեփական անվտանգության և ապագայի… Վարչապետի վերահսկողական ծառայությունը չի հասկանում օրինակ, որ ինստիտուտում ֆինանսական հարցերը որոշվել են հունվարին և ռեկտորի ժ/պ-ն կապ չունի աշխատավարձերիի բարձրացման կամ շինարարության հետ:
Ասենք, թե չէր եղել Մինասյանը, այլ եղել էր անբիծ կենսագրությամբ Պողոսյանը. վստահ եմ,որ սրանք նորից մրոտելու են: Ինչու՞, որովհետև խախտվել է ճանապարհային քարտեզը, թե ով ում է փոխանցելու: Սա է վեճի հիմնական առարկան, որը ցանկալի է, որ լավ ըմբռնեն ստուգող ու վերահսկող պաշտոնյանը:
Օնիկ ջան հարցը դա չէ:Հարցը նա է,որ Պողոսյանի տեղը զբաղեցնող Մինասյանը թքած է ունեցել գիտխորհուրդի վրա էլ,կառավարման խորհուրդի վրա էլ,ռեկտորատի վրա էլ:Չէր կարելի գիտխորհրդով հաստատել ինստիտուտի կանոնադրությունն ու նոր ղրկել նախարարություն,որ հիմա էլ Բ.Պողոսյանի ձեռքը չտալ կեղծ փաստաթուղթը ու դեկաններին ստիպել,որ ստորագրեն??Էդ ամենը կարելի էր օրենքով անել:Ճանապարհային քարտեզը ստեղ կապ չունի:Նոր ռեկտորի անօրինականություններն են խնդիրը:Գիտե թե իրա 20 հոգանոց կրթության վարչությունն է:Կամ հմի նույն դեկանների ըսել,որ իրանք մասնակցել են մագիստրատուրայի քննություններին:
Քուր ջան, գրածիցդ կերևա, որ քուրիկ ես ու ԲՈՒՀ-Ի ճակատագրով սրտացավ անձնավորություն: Ափսոս ձեռքս լիազորություն չկա, թե չե միանգամից քեզ կառաջարկեի ղեկավարել կառույցը ու ամեն ինչ կնկներ իր տեղը:
Հա էլի մորքուր ջան, շեֆիկիդ շուտ ուրացար…
Թողեք մարդը, գոնե մի կես տարի աշխատի՝ հետո գրեք: Իսկ որպեսզի ձեռագրերդ չվատանա փորձեք շեփիկի վերաբերյալ դիֆերամբներ գրել…
Մեզ թվում է, թե մենք այնքան խելոք ենք, որ շատ հարցերի պատասխանը տեսնում ենք կամ էլ կարող ենք գտնել: Այդպես չէ: Այսօր շատ դժվար է ղեկավար պաշտոնում աշխատել, այն էլ ռեկտորի: Իմ ուսանողական տարիներին ես 3 տեկտոր եմ տեսել, 3-ի աշխատանքային ոճն էլ շատ տարբեր էր: Հորիկի ժամանակ, որին շատ էին վատաբանում ու ոչ ոք չէր սիրում, ես կարգ ու կանոն էի տեսնում: սՍ.Մինասյանը շատ դիրքով ղեկավար է, ու 20 հոգանոց թիմ չէ նրանը, մի մոռացեք, որ քաղաքում 45դպրոց կա, չհաշված գյուղերը: Ով դիրքով տնօրեն է, հեչ էլ չի վախենում նրանից: Իսկ ով թույլ տնօրեն է, բանականաբար իր դպրոցի մաքրողից էլ է վախենում: Ես հույս ունեմ, որ ինստիտուտում շատ բան կընկնի իր տեղը: Իսկ կաշառք տվողը հենղ մենք չե՞նք, մի տվեք մի էլ խոսեք: Ինստիտուտում էլ շատ ուսանողներ շաաաատ լավ են արտահայտվում Բ.Պողոսյանի մասին, նախկին շրջանավարտներն էլ, ներկայիս սովորողներն էլ, ինստիտուտին շատ նվիրված, անշահախնդիր եւ շատ գրագետ մարդ է:
Իմ շխատանքներից մեկը ժուրնալիստիկան է ռուսական թերթի, ես ընդհանրապես ոչ մի բան (ոչ վատը, ոչ էլ լավը) չեմ գրում իմ Հայաստանի մասին: Դա իմ սրբությունն է. ժողովուրդ՝ միք ավելորդ բան գրեք Գյումրիից, թեկուզ Երեվանցիների համար: Այս քաղաքը մեր սրբությունն է: Ոչ թող մեր լավով նախանձվեն, ոչ էլ թող մեր վատն իմանան: Ձեր կարծիքով վերեւներում այդքան միամիտ են ու ոչինչ գիտեն: Ինչ որ այստեղ կա վատը՝ դա իրանցից է: Ներսում ինչ ուզում եք ասեք, բայց միայն դեմերեսի, դրսում այդպես մի արեք: Ախր մեր սրբությունն ենք սեւացնում: