Ֆրանսիայի արտգործնախարար Ժան-Մարկ Էյրոն այսօր ՀՀ արտգործնախարար Էդվարդ Նալբանդյանի հետ կքննարկի երկկողմ հարաբերություններին առնչվող մի շարք հարցեր, ինչպես նաև Ղարաբաղյան կարգավորման հարցը:
Այս մասին, ինչպես հաղորդում է «ՌԻԱ Նովոստին», լրագրողներին ասել է Ֆրանսիայի ԱԳՆ պաշտոնական ներկայացուցիչ Ռոմեն Նադալը:
«Ժան-Մարկ Էյրոն այսօր կընդունի Հայաստանի իր գործընկեր Էդվարդ Նալբանդյանին: Դա հնարավորություն կտա խթան տալ հայ-ֆրանսիական հարաբերություններին, մասնավորապես երկկողմ համագործակցության վերաբերյալ 2 համաձայնագիր ստորագրելու օգնությամբ»,- ասել է Նադալը:
Բացի այդ, նախարարները կքննարկեն ԵԱՀԿ Մինսկի խմբի համանախագահների առաջարկները, որպեսզի «բանակցությունների միջոցով խաղաղ և կայուն լուծում գտնեն Լեռնային Ղարաբաղի հակամարտության կարգավորմանը»:
Կարդացեք նաև
Պատրաստեց՝ Վիկտորյա ԱՆԴՐԵԱՍՅԱՆԸ
