Հայաստան- Վրաստան միջպետական ավտոճանապարհի մաս կազմող Ոսկեպար-Բաղանիս ճանապարհի մի հատված ձգվում է ադրբեջանական հենակետերի դեմ-դիմաց: Չնայած գործում է Ոսկեպար-Բաղանիս շրջանցիկ, Հարսնաքարով անցնող ավտոճանապարհը, սակայն վարորդների բացարձակ մեծամասնությունը գերադասում է երթեւեկել սահմանագոտով ձգվող հիմնական ճանապարհով: Սահմանի այդ հատվածում այժմ հարաբերական անդորր է:
Հայ սահմանապահները մեզ հայտնեցին, որ իրենց դիմաց, ադրբեջանական հենակետերի կողքին հաճախ Ղազախի շրջանի Ղուշչի- Այրում գյուղի հովիվը մի քանի հարյուր ոչխար է արածեցնում: Ադրբեջանցի հովիվն ու ոչխարի հոտը մեր դիրքերից մոտ 400 մ հեռավորությամբ են լինում:
Եղել են դեպքեր, երբ ադրբեջանական հենակետերից գնդակոծել են սահմանի եզրով ձգվող ճանապարհը:
Ոսկան ՍԱՐԳՍՅԱՆ
