«Ես մնում եմ իմ կարծիքին`ամեն ինչ փոփոխվում է: Շատ ավելի լավ է լինել սիրո մեջ, լինել բարի, ներողամիտ լինել, քան լինել չար ու նենգ: Այնտեղ, որտեղ կա սեր, բարություն, ներողամտություն, ներողություն հայցելու հատիկ, ես դա ողջունում եմ: Իսկ որտեղ կա նենգություն, չարություն, չարիք, ես դրան դեմ եմ:
Նենգությունը, չարությունը, զոռբայությունն այլևս անցյալում են, հիմա գալիս է սիրո, ներողամտության ու բարության ժամանակաշրջանը»,- խորհրդարանում լրագրողների հետ զրույցում ասաց ԱԺ փոխնախագահ Էդուարդ Շարմազանովը`պատասխանելով ԲՀԿ նախկին նախագահ Գագիկ Ծառուկյանի այսօր արած հայտարարությանը, որ ինքը ներում է բոլոր այն իշխանավորներին, ովքեր իր մասին ժամանակին կոշտ են արտահայտվել:
Էդուարդ Շարմազանովը պնդում է, որ իրենք ժամանակին պիտակավորել են երեւույթները, ոչ թե՝ մարդկանց. «Այո, մենք թատրոնի եւ կրկեսի վերածելու հայրենիք չունենք: Հիմա անցյալում են այդ ժամանակները, ու հուսով եմ՝ ներկան եւ ապագան կլինեն սիրո եւ բարության ժամանակներ»:
Մանրամասները` տեսանյութում
Կարդացեք նաև
Նելլի ԳՐԻԳՈՐՅԱՆ
