«Ունիսոն» հ/կ-ի նախագահ Արմեն Ալավերդյանը Aravot.am-ի հետ զրույցում մի օրինակ բերեց 2003 թ. նախագահական ընտրություններից, երբ առաջին անգամ հարց բարձրացրին հաշմանդամություն ունեցող անձանց ընտրական իրավունքն իրացնելու վերաբերյալ: Այդ ժամանակ «Ունիսոնը» պաշտոնական գրություն էր ուղարկել՝ հետաքրքրվելով՝ արդյոք ընտրատեղամասերը հարմա՞ր կլինեն հաշմանդամություն ունեցող անձանց, մասնավորապես՝ սայլակ օգտագործող ընտրողների համար: «Դիմել էինք այն ժամանակվա ԿԸՀ նախագահին: Պատասխանել էին, որ այո, խնդիրներ ունենք, բայց մյուս ընտրություններին ամեն ինչ պատրաստ կլինի: Մենք էլ այն ժամանակ մի քիչ միամիտ էինք:
Հետո փոխնախագահը զանգել ասել էր. «Ախպեր ջան, էդ ինչ հարց է, որ բարձրացնում եք»: Ես ասացի՝ բայց չէ՞ որ մենք նույն անձնագրից ունենք, ինչ դուք: Էդ մարդն ասել էր, ոչինչ, թող, հայ ենք, բա չե՞նք օգնի, գրկած կտանենք ընտրելու: Ասացի՝ ձեզ դուր կգա՞, որ գրկած տանեն ընտրելու: Էդ մարդն ասել էր՝ դեմագոգիայով եք զբաղված»,-հիշում է Արմեն Ալավերդյանը:
Նաեւ փաստում է, որ ԶԼՄ-ների միջոցով բավականին բան է փոխվել ոլորտում կարծրատիպերի ու մտածելակերպի առումով, հիմա գոնե հաշմանդամ բառի փոխարեն «հաշվանդամ» ասող պաշտոնյա չկա:
Մանրամասները՝ տեսանյութում
Կարդացեք նաև
Գոհար ՀԱԿՈԲՅԱՆ
