Կենտրոն եւ Նորք-Մարաշ վարչական շրջանների ընդհանուր իրավասության առաջին ատյանի դատարանում հոկտեմբերի 25-ին շարունակվում էր «Հիմնադիր խորհրդարանի» անդամ Գեւորգ Սաֆարյանի գործի քննությունը:
Դատական նիստի ընթացքում պետք է հարցաքննվեր գործով վկա Կարեն Հովհաննիսյանը, սակայն դատարանը հայտարարեց, որ նրա ներկայությունը ապահովել չի հաջողվել:
Գեւորգ Սաֆարյանի պաշտպան Տիգրան Հայրապետյանը հայտարարեց, որ վկան շարունակում է աշխատել նույն վայրում եւ ոստիկանությունը կարող է նրան գտնել: Դատարանը հայտարարեց, որ կկրկնի բերման ենթարկելու պահանջը:
Գեւորգ Սաֆարյանը հրաժարվեց ցուցմունք տալ՝ նշելով, որ հետագայում՝ վկաների ցուցմունք տալուց հետո, նոր ցուցմունք կտա:
Կարդացեք նաև
Դատարանը ներկայացրեց պաշտպանական կողմի վկաներին, որոնց շարքում են նաեւ «Սասնա ծռեր» խմբավորման անդամները՝ Սերգեյ Կյուրեղյանը, Գագիկ Եղիազարյանը, Վարուժան Ավետիսյանը, Սմբատ Բարսեղյանը, նրանց օժանդակելու մեջ մեղադրվող Կարո Եղնուկյանը, Հովհաննես Ղազարյանը: Նաեւ գործով վկաներ են Վահագն Ղումաշյանը, Վահրամ Պետրոսյանը, Աղասի Ավակիմյանը, Սուսաննա Սիմոնյանը, Գարեգին Չուգասզյանը, Սեւակ Մանուկյանը, Արմեն Միքայելյանը:
Դատարանը հայտարարեց, որ վարույթ իրականացնող մարմնին տեղյակ կպահի եւ վկաները, այդ թվում նաեւ «Սասնա ծռեր» խմբավորման անդամները, կհրավիրեն հարցաքննության:
Դատարանում ներկա էր նաեւ գործով վկա Վահրամ Պետրոսյանը, Տիգրան Հայրապետյանը առաջարկեց հարցաքննել նրան, սակայն դատախազը ժամանակ խնդրեց նախապատրաստվելու համար:
Դատարանը որոշեց նման հնարավորություն տալ դատախազին: Դատական նիստը հետաձգվեց, հաջորդ նիստը տեղի կունենա նոյեմբերի 10-ին:
Հիշեցնենք, որ Գեւորգ Սաֆարյանին մեղադրանք է առաջադրվել Ոստիկանության 4-րդ հատուկ գումարտակի հրամանատար, ոստիկանության կապիտան Գեղամ Խաչատրյանի նկատմամբ բռնություն կատարելու համար:
Ամի ՉԻՉԱԿՅԱՆ
ահա մի այլ «փայլուն» մտահղացում, պաշտպան փաստաբանին կողմէ… (այս մէկ հատը մանաւանդ բավականին զբաղ է վերջերս… անուշ լինի՜…)
դատական գործընթացում, դատաւորի մտքում՝ վկայի մը հաւատալիության մակարդակը (credibility) ամենահիմնական չափանիշն է
իսկ ի՞նչ է լինելու այդ մակարդակը, երբ վկան մարդասպանական արարքի մը հեղինակն է կամ մեղսակիցը (որ ի դէպ նոյն բանն է, ըստ Օրէնքի)…
նաեւ, որքան խելացի բան է, դատական գործընթացում, այս ամբաստանյալի պարագան այսպէսով կապել Յուլիսի արիւնահեղ արարքի դերակատարներուն…
պաշտպան կողմը փաստօրէն ուզում է միայն դատարանը թատերասրահի վերածել, այդտեղ շոու սարքել, Յուլիսի ոճրագործութեան հետապնդած նպատակները շարունակելու ցաւալի միտունով
տղուն խեղճ ծնողքն ալ սպասում է որ ան տուն վերադառնա…