Մալայզիայի Պենանգ քաղաքում ավարտվեց ծանրամարտի աշխարհի պատանիների առաջնությունը:
Պայքարը եզրափակեցին տղաների գերծանր քաշային ծանրորդները: Հայաստանը ներկայացնող Վարազդատ Լալայանը երկամարտի 340 (156+184) կգ արդյունքով հանգրվանեց 5-րդ հորիզոնականում: Սակայն հայ ծանրորդը կարող էր կանգնել պատվո պատվանդանի երրորդ աստիճանին, եթե հրում վարժության վերջին մոտեցումում կարողանար գլխավերեւում պահել 188 կգ ծանրաձողը: Նա երկամարտի արդյունքով ընդամենը 2 կիլոգրամ զիջեց բրոնզե մեդալը նվաճած Իրանի ներկայացուցիչ Ռոշանիին:
Աշոտ ՀԱԿՈԲՅԱՆ
