Լեռնային Ղարաբաղի հակամարտության կարգավորման գործում ոչ մի երկիր չի կարող այնպիսի դրական դերակատարություն ունենալ, ինչպես որ Իրանը, բայց այս պահին Թեհրանի միջնորդությունն օրակարգում չէ: Այս մասին ԱՊԱ-ին ասել է Իրանի ԱԳՆ մամուլի խոսնակ Բահրամ Քասեմին:
Պաշտոնյան նշել է, որ ԽՍՀՄ փլուզումից հետո Իրանը միջնորդի կարևոր դեր է խաղացել ԼՂ հակամարտության կարգավորման գործում:
Այնուամենայնիվ, նրա խոսքով, Երևան նախատեսվող այցի ընթացքում Իրանի նախագահ Հասան Ռուհանին կքննարկի ոչ թե միջնորդության, այլ երկկողմ հարաբերություններին առնչվող հարցեր:
«Ինձ հասանելի տեղեկությունների համաձայն՝ այս պահին միջնորդության հարցը օրակարգում չէ: Հույս ունեմ, որ այդ խնդիրը, որը կարող է սպառնալիք ներկայացնել տարածաշրջանի համար, մոտ ապագայում արդար լուծում կստանա»,- ասել է Քասեմին:
Կարդացեք նաև
Պատրաստեց՝ Վիկտորյա ԱՆԴՐԵԱՍՅԱՆԸ
