«Քաղաքականությունից հեռանալով՝ Գագիկ Ծառուկյանը անձնական տեսակետ ձեւակերպեց իր գնալը եւ հրապարակավ հանդես եկավ: Բոլորը, այդ թվում նաեւ ես, հարգում ենք իր տեսակետը: Կհայտարարի՞ ինքն այլ տեսակետ` կխոսենք դրա մասին»,- «Առավոտի» հարցին` Գագիկ Ծառուկյանի` քաղաքականություն վերադառնալու մասին խոսակցությունները բավական ակտիվ են, նրա վերադարձի հանրային պահանջ տեսնո՞ւմ եք. ԲՀԿ-ից հեռացած ու «Համախմբում» կուսակցությունը ձեւավորած նախկին ԲՀԿ-ականները Գագիկ Ծառուկյանի վերադարձով հնարավո՞ր է՝ նորից համալրեն ԲՀԿ-ի շարքերը, այսպես պատասխանեց ԲՀԿ նախկին անդամ, այժմ «Համախմբում» կուսակցության վարչության անդամ Ստեփան Մարգարյանը:
«Հիմա չեմ ցանկանում խոսել այդ թեմայով, որովհետեւ դա եթե-ների ու գուշակությունների շարքից կլինի: Ես հարգում եմ Գագիկ Ծառուկյանին՝ որպես անհատ, անձնավորություն եւ որպես մեծ պոտենցիալ ունեցող մարդ, բայց նրա վերադարձի թեմայով խոսել չեմ ցանկանում, քանի դեռ ինքը չի արել այդ հայտարարությունը»,- ասաց նա:
Կարդացեք նաև
«Առավոտ»
22.10.2016
