Վարչական դատարանը քիչ առաջ հրապարակեց «ԳԱԼԱ կուսակցությունն ընդդեմ թիվ 34 ընտրատարածքային հանձնաժողովի» գործով որոշումը: Կուսակցությունը պահանջում էր անվավեր ճանաչել Գյումրու ավագանու ընտրությունների վերաբերյալ թիվ 205 Ա որոշումը եւ Գյումրիի ավագանու անդամներ ընտրելու մասին թիվ 206 Ա որոշումը կամ՝ ընտրված ճանաչել ԳԱԼԱ կուսակցության ընտրական ցուցակում ընդգրկված համապատասխան թվով թեկնածուներին՝ ըստ մանդատների բաշխման օրենքով սահմանված պատշաճ հաշվառված կարգի եւ «Բալասանյան» կուսակցությունների դաշինքի, «Բարգավաճ Հայաստան» եւ «Հայկական վերածնունդ կուսակցությունների ընտրական ցուցակներում ընդգրկված համապատասխան թվով թեկնածուներին:
Վարչական դատարանը մերժեց ԳԱԼԱ կուսակցության հայցադիմումը եւ 205 Ա ու 206Ա որոշումները թողնելով ուժի մեջ: Որոշումը ուժի մեջ է մտնում հրապարակման պահից, այն վերջնական է եւ վերանայման ենթակա չէ:
Նշենք, որ որոշման հրապարակմանը ներկա էր միայն 34 ընտրատարածքային ընտրական հանձնաժողովի նախագահ Էդուարդ Բաղրամյանը:
Ամի ՉԻՉԱԿՅԱՆ
