Վերաքննիչ քրեական դատարանը հոկտեմբերի 21-ին քննել է «Սասնա ծռեր» խմբավորման անդամ Արամ Մանուկյանի գործով բողոքը: Հիշեցնենք, որ առաջին ատյանի դատարանը մերժել էր Արամ Մանուկյանի պաշտպանների միջնորդությունը՝ նրա խափանման միջոց կալանքը փոխել գրավով: Փաստաբան Հարություն Բաղդասարյանը Aravot.am-ին հայտնեց, որ վերաքննիչ դատարանը եւս մերժել է իրենց բողոքը եւ առաջին ատյանի դատարանի գրավ չկիրառելու մասին որոշումը թողել է անփոփոխ:
Հիշեցնենք, Արամ Մանուկյանին մեղադրանք է առաջադրվել քրեական օրենսգրքի 219 հոդվածի 3-րդ մասով՝ կազմակերպված խմբի կողմից շենքեր, շինություններ, տրանսպորտի, հաղորդակցության կամ կապի միջոցներ զավթելը եւ 235 հոդվածով՝ ապօրինի կերպով զենք, զինամթերք, պայթուցիկ նյութեր կամ պայթուցիկ սարքեր ձեռքբերելը, իրացնելը, պահելը, փոխադրելը կամ կրելը:
Ամի ՉԻՉԱԿՅԱՆ
