«Գումարների սպառման պատճառը, 50-60 տոկոսով, հավանաբար, այն բանի հետեւանք էր, որ հիվանդի գանգատները, բողոքները չէին համապատասխանում բժիշկների կողմից նշանակված հետազոտության տեսակներին: Մի փոքր գլխացավի կամ մեջքի ցավի հետեւանքով նշանակվում էր համակարգչային տոմոգրաֆիա կամ յամեր հետազոտություն: Պարզ է, որ այդ ամենը հանգեցնում էր այդ գումարների արագ սպառմանը»-անդրադառնալով դժվարամատչելի թանկարժեք հետազոտությունների շուրջ առաջացած բնակչության դժգոհություններին, այսօր ասաց առողջապահության նախարար Լեւոն Ալթունյանը:
Նա նախարարությունում ասուլիս էր հրավիրել` հայտնելու, որ տնտեսած գումարների հաշվին չի դադարեցվելու պետպատվերով բուժօգնություն ստացող քաղաքացիների սպասարկումը:
Ըստ նրա, ամեն տարի այս խնդիրն առաջացել է, երբ հոկտեմբեր-նոյեմբեր ամիսներին պետպատվերի գումարները վերջացել են եւ քաղաքացիները չեն կարողացել այդ պատճառաբանությամբ բուժօգնություն ստանալ:
Նախարարի խոսքերով, այժմ հրամանի կարգով ներդրել են չափորոշիչներ եւ արձանագրություններ, որոնց հիման վրա գնահատելու են բժիշկների աշխատանքը:
«Խոսքս ուղղում եմ բժիշկներին` դուք եւս մասնակից եք պետպատվերի գումարների առավել արդյունավետ օգտագործմանը»,-ասաց պարոն Ալթունյանը:
Կարդացեք նաև
Լուսինե ԲՈՒԴԱՂՅԱՆ
