Էրեբունի եւ Նուբարաշեն վարչական շրջանների ընդհանուր իրավասության առաջին ատյանի դատարանում շարունակվում է Սարի թաղի գործի քննությունը: Գործով մեղադրյալներն են Անդրանիկ Քոսեյանը, Էդուարդ Զեյթունյանը, Հրայր Իսախանյանը, Հարություն Թորոսյանը:
Դատական նիստին չէր ներկայացել Անդրանիկ Քոսեյանի պաշտպանը, որը դիմում էր ներկայացրել, որ գտնվում է արձակուրդում եւ խնդրել էր դատարանին՝ դատական նիստը նշանակել իր արձակուրդից հետո: Դատարանը լսելով կողմերի կարծիքը, որոշեց շարունակել նախապատրաստական մասը: Սակայն փաստաբան Լիպարիտ Սիմոնյանը նկատեց, որ որոշումը կայացնելիս դատարանը հաշվի էր առել կողմերի կարծիքը, սակայն հենց Անդրանիկ Քոսեյանի կարծիքը այդ հարցի վերաբերյալ չէր լսել: Այդ հիմքով նա դատարանին ինքնաբացարկի միջնորդություն ներկայացրեց: Դատարանը հեռացավ խորհրդակցական սենյակ:
Ամի ՉԻՉԱԿՅԱՆ
