«Նոր կառավարության ծրագիրն առաջադրված մոտեցումների տեսանկյունից հուսադրող է»,-կարծում է Սահմանադրական Դատարանի նախագահ Գագիկ Հարությունյանը:
«Կառավարության ծրագիրը սկսվում է նրանից, որ մարդուն դիտում ենք որպես բարձրագույն արժեք, իսկ նրա իրավունքների պաշտպանությունը, երաշխավորումը եւ ապահովումը համարում ենք կարեւորագույն խնդիր»,-այսօր ՀՀ սահմանադրական դատարանի և Եվրախորհրդի Վենետիկի Հանձնաժողովի կազմակերպած Երեւանյան միջազգային խորհրդաժողովի ժամանակ լրագրողների հետ զրույցում ասաց նա:
Ըստ նրա՝ այդ կերպ փոխվում է Կառավարության ծրագրի փիլիսոփայությունը. «Այդ փիլիսոփայությունն ինչպե՞ս է իրացվելու եւ երաշխավորվելու: Սա կարեւորագույն խնդիր է: Եթե նոր Կառավարությունն առաջնորդվելու է սահմանադրական հիմնարար սկզբունքներով, որոնք փորձեցինք ամրագրել Սահմանադրության մեջ, դրանց իրացման պարագայում դրական արդյունքներ կակնկալվեն»:
Կարդացեք նաև
Լուիզա ՍՈՒՔԻԱՍՅԱՆ
