Վարչապետ Կարեն Կարապետյանի հետ օրերս գրկախառնված տարեց կինն այսօր եկել էր կառավարություն: Այս կինը՝ Սվետա Դավթյանը, դստեր՝ Կարինե Ավետիսյանի հետ կառավարության շենքի մոտ բողոքի ցույց էր անում. նա պահանջում է պատասխանատվության ենթարկել, իր խոսքերով ասած՝ բոլոր այն հանցագործներին, որոնք իրեն եւ դստերը հետապնդում ու սպառնում են, նույնիսկ ծեծի են ենթարկել:
Տիկնոջ պատմելով՝ ինչ-որ անձինք փորձում են իրեն եւ դստերը հոգեբուժարան տանել, ապա տիրանալ նրանց՝ Գավառում գտնվող բնակարանին:
Մայր ու դուստր, ինչպես իրենք են պնդում, իրավապահ մարմինների կողմից հետապնդվում են, ուստի ստիպված Գավառից տեղափոխվել են Երեւան:
Մեր հարցին՝ վարչապետի հետ այդ գրկախառնությունից հետո իր բողոքը ներկայացրե՞լ է, հանձնարարական եղե՞լ է խնդրի լուծման ուղղությամբ, տիկին Դավթյանը պատասխանեց՝ «Հանձնարարել է մարզպետին, նրան տեսել ենք, ինքը երկար ժամանակ է տեղյակ է մեր խնդրից»:
Կարդացեք նաև
Բայց տիկին Դավթյանը չի ցանկանում վերադառնալ Գավառ, վստահեցնում է. «Ոստիկանությունը մեզ վախեցնում է»:
Մանրամասները՝ տեսանյութում
Նելլի ԲԱԲԱՅԱՆ
