«Ավանդաբար, Ռուսաստանը Թուրքիայի հետ հարաբերությունները փորձում է բարելավել մեր հաշվին: Սա քաղաքական սիրաշահման քայլ է: Մեզ համար վտանգավոր միտում է, քանի որ ցույց է տալիս Թուրքիայի ազդեցության ուժեղացումը Ռուսաստանի արտաքին քաղաքականության վրա»,-այսօր «Մեդիա Կենտրոնում» անդրադառնալով ՌԴ արտգործնախարար Սերգեյ Լավրովի՝ վերջերս Երեւանում արված հայտարարությանը, թե «Թուրքիան կարող է դրական դեր խաղալ Արցախյան հակամարտության կարգավորման հարցում», ասաց «Մոդուս Վիվենդի» վերլուծական կենտրոնի ղեկավար Արա Պապյանը:
Նա համոզված է, որ Ռուսաստանը շարունակելու է նմանօրինակ քաղաքականությունը, քանի դեռ Հայաստանը կախված է վերջինիցս. «Ռուսաստանը պետք է գիտակցի՝ եթե բռնում է Ադրբեջանի կողմը, պետք է կորցնի Հայաստանը: Ինքը պետք է ընտրության առաջ կանգնի, որ իմանանք՝ ի՞նչ ենք անում: Եթե մեր դաշնակիցն է ու չի պաշտպանում մեզ, էլ ի՞նչ դաշնակից»:
Արա Պապյանի բնորոշմամբ՝ Ռուսաստանը «բռնել» է Թուրքիայի եւ Ադրբեջանի կողմը եւ շարունակելու է այդ քաղաքականությունը:
Խոսելով Ադրբեջանի՝ ԵՏՄ-ին հնարավոր անդամակցության մասին, Արա Պապյանը հիշեցրեց՝ Ալիեւը ժամանակին ասել էր, որ ԵՏՄ անդամ Հայաստանը «օկուպացրել է իրենց հողերը», հետեւաբար՝ դրանք պետք է վերադարձվեն, ինչից հետո Ադրբեջանը կմտածի ԵՏՄ մտնելու մասին: Ըստ Արա Պապյանի՝ Արցախն է ԵՏՄ-ի հետ սակարկելու Ադրբեջանի միջոցը:
Կարդացեք նաև
Լուիզա ՍՈՒՔԻԱՍՅԱՆ
Լուսանկարը՝ «Մեդիա կենտրոնի»
Արա Պապյան,Դուք երկուսից կհրաժարվեք մեկի դիմաց?