Բերդ քաղաքի 68-ամյա բնակիչ Միշա Հովհաննիսյանը մասնագետ անասնաբույժ է, աշխատում է Նավուր, Իծաքար եւ այլ գյուղերում: Բերդի տարածաշրջանի 15 գյուղերում աշխատում է 10 անասնաբույժ, որոնց միջին տարիքը 60 է: Նա ասաց. «Հայաստանը կադրեր չի պատրաստում, դա հանցագործություն է: Ես գյուղնախարարությանը շատ եմ ասել՝ մենք փոխարինողներ չունեք, վաղն ո՞վ է աշխատելու այստեղ»: Երիտասարդները չեն ցանկանում անասնաբույժ դառնալ, քանի որ աշխատավարձը ցածր է, անասնաբույժի մասնագիտությունը հեղինակավոր չէ: Մ. Հովհաննիսյանի վկայությամբ՝ Հայաստանի գյուղատնտեսական ակադեմիայում անասնաբուժության մասնագիտությամբ սովորողներին պատրաստ են ընդունել առանց քննության: Այդ մասնագիտությունը չեն սովորում, քանզի չեն կարողանում վճարել բուհում տարեկան 400 հազար դրամ ուսման վարձը: Մ. Հովհաննիսյանն ասաց. «Չեն ուզում սովորելու գնան, ասում են՝ այդ փողով կով կառնեմ, կպահեմ»:
Փորձառու անասնաբույժը որպես պետության կողմից անտարբերություն որակեց այն, որ անասունների 15 վարակիչ հիվանդություններից միայն մի մասի դեմ է պետպատվերով պատվաստումներ արվում: Անասնաբույժի աշխատավարձը փոքր է, Մ. Հովհաննիսյանը սեպտեմբերին ստացել է 9 հազար դրամ:
Կարդացեք նաև
Ոսկան ՍԱՐԳՍՅԱՆ
