ԼՂՀ ԱԺ պատգամավոր Վահան Բադասյանը հայտարարել է, թե ՀՀ զինված ուժերի գլխավոր շտաբի պետ Մովսես Հակոբյանը ՀՀ պաշտպանության փոխնախարար եղած ժամանակ իրեն պատկանող ձեռնարկության եւ ՊՆ-ի միջեւ պայմանագիր է ստորագրել եւ շուկայականից բարձր գներով ցորեն մատակարարել բանակին։
«ՉԻ» – Հետաքրքիր է՝ Վահան Բադասյանը գիտի՞, թե ինչու է, ասենք, սովորական վերնաշապիկի գինը 10 դոլար, իսկ նույն որակի, բայց «Պիեռ Կարդեն» գրությամբ վերնաշապիկի գինը՝ 120 դոլար։ Երեւի չգիտի։ Այլապես կիմանար նաեւ, որ ի տարբերություն սովորական ցորենի՝ Արցախի հերոսի աճեցրած ցորենը բարձրացնում է զինվորների մարտական ոգին։
Բացի այդ էլ՝ Վահան Բադասյանը, կարծում ենք, ռազմական գաղտնիք է հայտնում, որովհետեւ ոսոխին տեղեկացնում է, թե ում աճեցրած ցորենն են ուտում հայ զինվորները։ Այնպես որ՝ նրան պետք է պատասխանատվության ենթարկել օրենքի ամբողջ խստությամբ:
Հոդվածն ամբողջությամբ կարող եք կարդալ «Չորրորդ իշխանություն» թերթի այսօրվա համարում
