Կենտրոն եւ Նորք-Մարաշ վարչական շրջանների ընդհանուր իրավասության դատարանում «Հիմնադիր խորհրդարանի» անդամ Գեւորգ Սաֆարյանի գործով հերթական դատական նիստն այսօր ընդմիջվեց դատավորի կարգադրությամբ: Նա նկատեց, որ նիստին ներկա մի տիկին ՀՀ դրոշն է պարզել, եւ հորդորեց չխախտել դատավարության կարգը եւ դրոշ-պաստառներ չպարզել: Կինը դրոշն էլ ավելի բարձր պարզեց, ինչից հետո նիստն ընդմիջվեց:
Միջանցքում դատարանի կարգադրիչները կնոջն ասացին, որ դրոշով չի կարող ներս մտնել: Կինը բարկացավ, ապա համաձայնեց դրոշը թողնել կարգադրիչների սենյակում: Ապա փորձեց ներս մտնել մի փոքրիկ քսակ ձեռքին, ինչին ի պատասխան կարգադրիչներն ասացին՝ պետք է խոստանա, որ չի խոչընդոտելու նիստի ընթացքին:
Վեճն ավարտվեց նրանով, որ տիկնոջը թույլ չտվեցին մտնել նիստերի դահլիճ: Նա ցույց տվեց քսակի պարունակությունը՝ 30 արծաթ, ու ասաց, որ այն բերել է դատարանին:
Կարդացեք նաև
Լուիզա ՍՈՒՔԻԱՍՅԱՆ
